LEGAZPI CITY-Ipighayag ni Atty. Martin Delgra III na saro sa mga abogadong nakaolay ni Senator Ronald ”Bato” Dela Rosa, na sa tahaw kan mga impormasyong igwang warrant of arrest na ipinaluwas kan International Criminal Court (ICC) laban sa senador, an dai suboot ini natatakot.
Alagad sinabi man ni Atty. Martin na nahahandal sana siya sa nasabing isyu.
Binuweltahan man kan abogado an nagin pahayag ni Prosecutor General Richard Fadullon na suboot nag-engayar sa senador na boluntaryong magsurender sa international tribunal.
Paliwanag kan abogado, na kun igwa man na isusurender na sarong Pilipino basado sa bisa kan foreign warrant o request kan ibang nacion, an kinakaipuhan muna ining magsairarom sa extradition proceeding.
Dai man suboot kaipuhan na boluntaryong mag-surender alagad kaipuhan na masunod an tamang proseso.
Dagdag pa niya na kaipuhan na tawanan nin tsansa si Dela Rosa na simbagon an petisyon para sa extradition asin an korte an dapat na magtukoy kan validity kan nasabing warrant of arrest asin bako an Department of Justice (DOJ).
Marurumduman na duwang miting sa plenaryo na an dai inatendiran ni Dela Rosa sa Senado kasunod kan pagbabalik-sesyon kan Mataas na Kapulungan poon kan sarong bulan na Undas break.
Bago an pagbabalik-sesyon, ipighayag man ni Ombudsman Jesus Crispin Remulla na igwa nang warrant laban sa dating PNP Chief.
