Bukas si Senate President Vicente “Tito” Sotto III na suportaran ang Charter change (Cha-cha) sa oras na mag-abanse ini sa Mataas na Kapulungan.
Inihayag ini ni Sotto makalihis mabasa an pirang parte kan nagin desisyon kan Korte Suprema na nagdedeklarang unconstitutional ang Articles of Impeachment na isinunad kan House of Representatives laban ki Vice President Sara Duterte.
Segun saiya na makakikipag-ulay siya sa masunod na semana ki House Speaker Faustino “Bodjie” Dy III nganing idiskotir an masunod na lakdang kan duwang kapulungan kasunod kan desiyson na nagbabago sa rules of impeachment.
Sabi ni Sotto na gari judicial legislation ang nagin desisyon imbes na sunodon an prosesong nakasaad sa Saligang Batas na binago kan Korte Suprema an mode kan impeachment asin dae man iwinasto an nagpira sa mga factual errors kaini.
Paglilinaw ni Sotto, warang kinaaraman ki VP Sara o sa maski sisay na personalidad ang saiyang pagkadismaya kundi huli ini sa bako makatuwirang desisyon kan Korte Suprema.
