LEGAZPI CITY- Nagtutubod an sarong political analyst na posibleng nagkakaigwa ngunyan nin pressure an Senate Blue Ribbon Committee hali sa mga kapwa senador, partikular na hali sa mayorya.
Ini makalihis an pahayag ni Senator JV Ejercito na bako siya kuntento sa dalagan kan imbestigasyon sa maanomalyang flood control projects.
Segun ki FEU Political Science Professor Francisco Riodique sa intrevista kan Bombo Radyo Legazpi na bako man imposible an mga ugong-ugong na magribay nin liderato kan Senado.
Paliwanag kaini na bisto si Senate President Vicente ‘Tito’ Sotto sa pagigin vocal urog na sa media alagad maririsa an pagigin silensyo kaini sa ngunyan.
Kun enkasong may katotohanan suboot an pressure sa ibang miyembro kan mayorya, posibleng sinda an mamili kun iisay an iriribay bilang bagong pamayo kan Senado.
Alagad tinawan duon ni Riodique na dapat an loyalty kan mga senador an nasa institusyon asin sa mga namamanwaan asin bako sa posisyon.
Dugang pa kaini na kinakaipuhan na igwang kusog buot an mga senador sa pagpapaluwas kan katotoohan dapit sa mga anomalya asin isyu sa nacion.
