Nagdesisyon an Senado na isantabi na muna an impeachment case laban kay Vice President Sara Duterte.
An lakdang an bilang simbag sa executory decision kan Korte Suprema sa pagbasura sa impeachment complaints.
Nakakua nin kabilogang boto na 19 na Senador an nagtugot na i-archive na an kaso mantang apat an nagkontra asin saro man an nag-abstain.
An mga nagboto nin Yes an kinabibilangan ninda: Senators-Alan Peter Cayetano, Pia Cayetano,Ronald Dela Rosa, JV Ejercito, Francis Escudero, Jinggoy Estrada, Sherwin Gatchalian, Bong Go, Lito Lapid, Loren Legarda, Rodante Marcoleta, Imee Marcos, Robinhood Padilla, Erwin Tulfo, Raffy Tulfo, Joel Villanueva, Camille Villar, Mark Villar asin Juan Miguel Zubiri.
Mantang an nagkontra an kinabibilangan ninda: Senator Paolo Benigno “Bam” Aquino IV, Risa Hontiveros, Francis “Kiko” Pangilinan asin Sen. Vicente “Tito” Sotto III.
Mantang nag-abstain man si Sen. Panfilo Lacson.
Magigiromdomang enot na hinagad ni Sen. Marcoleta na ibasura na sana an impeachment case laban kay VP Duterte sagkod na nagtugot na sana ini na isantabi o i-archive an impeachment case kan bise presidente.
Enot nang ipinaliwanag ni Sen. Alan Peter Cayetano, na an pagbugtak sa archive sa impeachment case ni VP Duterte an dae nangangahulugan na bako ini gadan asin pwedesir na buhayon en kaso baliktadon kan Korte Suprema an desisyon kaini.
