LEGAZPI CITY-Nagluwas na haros P245 million an net worth o kabilugang yaman ni Senate President Pro Tempore Ping Lacson ngonian na taog 2025.
Basado sa saiyang ipinaluwas na net worth, nagabot sa P244-Milyon an kabilugang yaman ni Lacson kan Hunyo 30, 2025 kan magbalik siya sa senado, harayo ini sa P58-milyon kan Hunyo 30, 2022 kan maghale siya sa bilang senador.
Segun kay Lacson na an paghalangkaw kan saiyang yaman an huli sa lehitimo asin matrayumpo suboot na mga negosyo sa real estate asin trading na saiyang piglalaogan kaiba an duwang kasosyo sa negosyo makalihis na temporamenteng magretiro sa politika kan taong 2022.
Basado man sa saiyang Income Tax Return (ITR), nagbayad siya nin P4-milyon para sa taxable year kan 2021, asin nasa P11-milyon para sa taxable year kan 2024 na indikasyon suboot kan dakulang paghalangkaw sa kita sa nakalihis na tulong taon.
Pigsierto man ni Lacson na magtatao pa siya nin dugang na detalye mapadapit sa saiyang SALN ngonian na taon, kairiba na an mga Income Tax Return para sa 2023 asin 2024, sa oras na makumpleto na suboot an mga dokumento.
