Sa ibong na gari limos an ipigbarewas kan gobierno sa mga tios kada bulan sa paagi kan Pantawid Pamilyang Pilipino Program o 4Ps, pangkabuhayan na sana an itao.
Ini an suhestyon ni Senate Social Justice, Welfare and Rural Development Committee Chairman Erwin Tulfo nganing matapos asin dae na maabuso an programa kan nagkapira.
Sinabi ni Tulfo, magin an pirang miyembro kan 4PS na nakaulay niya kan siya pa an kalihim kan Department of Social Welfare and Development an nagsabi saiyang mas mainam na kabuhayan an ibarewas sainda imbes na ayuda.
Segun pa sa senador, bako patas sa mga low-wage earners siring kan mga security guard, janitor o kasambahay na dae magkasya an sweldo alagad warang bulanan na ayuda sa gobyerno siring kan 4Ps huli bako sinda kwalipikado.
Dugang ni Tulfo na isusuhestiyon niya ini ki Presidente Ferdinand Marcos Jr. asin DSWD Secretary Rex Gatchalian en kaso maghilingan sinda.
