Pinalagan ni Senator Christopher “Bong” Go ang akusasyon laban saiya kan Office of the Prosecutor kan International Criminal Court kung saen pinangaranan siya bilang co-perpetrator o kasabwat ni dating Presidente Duterte sa kasong crimes against humanity may kinaaraman sa madugong war on drugs.
Sa iniluwas na statement kan Senador sinabi niyang ngunyan sana niya naaraman an mapadapit sa mga alegasyon na ipiggapo kontra saiya na nakasaad sa redacted version kan Document Containing the Charges na inisyu kan ICC hale sa Office of the Prosecutor kan Pebrero 13.
Pinahimutikan kan Senador an mga bilang ganap na warang basehan, warang pinapanigan, bako patas asin warang kinaaraman sa saiyang nagin papel asin responsibilidad kan nagserbi siya bilang Special Assistant ni dating Presidente Duterte puon Hulyo 2016 hanggang Oktubre 2018 siring man bilang Executive Assistant to the Mayor kan Davao City puon 1998 hanggang 2016.
Pinahimutikan man kan Senador an salang akusasyon na nagsirbi siyang Chief of the Presidential Management Staff, huli sa kasuarin man an dae niya kinaputan an nasabing posisyon.
