An pangapodan kan sarong arsobispo para sa pagigin kalmado asin mahinahon kan publiko makalihis an pagka-arestar kay dating Presidente Rodrigo Duterte an nagpapahiling na may tensyon asin pagkakawatak-watak sa nacion ngonian. Bako na ini makakigkig, huli sa laog kan kadakol na taon, nabilog na an matinding pagkakampihan sa pagultangan kan saiyang mga tagasuporta asin kan mga nagtutubod na siya an dapat manimbag sa saiyang mga ginibo. Alagad imbis na pabayaang mag-iral an dagit asin hidwaan, ini an tamang panahon nganing ipahiling na an tunay na diwa kan demokrasya an nasa mahinahong paghampang sa mga agyat, sa paggalang sa proseso kan ley, asin sa pagmidbid na an hustisya an wara dapat na pigkikilingan. Kun mawot nyatong magkasararo bilang sarong nacion, kaipuhang iangat nyato an satuyang pananaw hale sa panatikong pagsuporta o pagkamuhi, pasiring sa mas halangkaw na prinsipyo kan katotohanan, paninimbagan, asin tunay na katuninungan. An pagkapit sa ley asin katarungan asin bako sa emosyon o butang pagtutubod an tunay na magpapatibay sa nacion sa tahaw kan krisis na ini.

LEGAZPI CITY-Isinangat ni Senator Ronald dela Rosa an 3 panukalang ley na saiyang pigoorgulyo poon pa kan 18th asin 19th Congress.


Kaiirba digdi an pagbabalik giraray kan padusang kagadanan sa mga darakulang kaso siring kan drug trafficking asin an pagkakaigwa nin mandatory Reserve Offices Training Corps (ROTC) sa tertiary education asin an pag-amyenda sa party-list system.


Sinabi ni Dela Rosa na an pagbabalik kan parusang kagadanan, sa paagi nin lethal injections para sa large-scale drug trafficking.


Mantang nakatalaan man sa panukalang ley sa mandatory ROTC na an sisay man na estudyante na dai nagsairarom sa ROTC, dai suboot makakatapos nin pageskwela.

RELATED ARTICLESMORE FROM AUTHOR