LEGAZPI CITY-Nakapagbarewas an School Division Office Albay nin mga learner kits asin iba pang mga pangangaipoha para sa mga apektadong estudyante asin paratukdo dara kan padagos na pagalburuto kan Bulkang Mayon.
Segun kay School Division Office Albay Spokesperson Froilan Tena, sa intrevista kan Bombo Radyo Legazpi na nakapagtao sinda nin mga learner kits, hygiene kits magin mga Personal Protective Equipment (PPE’s) sa mga evacuation center sa Bariw Elementary School asin Tagaytay Elementary School sa Camalig Albay.
Target man ninda na matawanan an Malilipot area, sa San Jose Elementary School.
Dagdag pa kan opisyal na saro ini sa saindang inisyatiba kaiba an mga opisyal asin laoman na mas magkakaigwa pa nin suporta hale sa Albay provincial government.
Parte suboot ini kan mga donasyon hale sa manlain-lain na resources asin iba pang mga educational partners.
Nakapagtao man sinda nin mga facemask ngani magamit kan mga evacuees asin nakahanda na para sa posibleng alternative delivery mode ngani maipadagos an pagaadal kan mga estudyante.
Kahagadan man sa ngonina kan opisyal an diit na pasensya sa huli sa presenteng sitwasyon kan mga estudyante asin paratukdo sa mga evacuation centers.
