LEGAZPI CITY-Inimbitaran an P-pop sensation SB19 Josh sa Major League Baseball (MLB) teams para sa ceremonial first pitch sa laban kan Chicago White Sox asin New York Yankees.
Ipigheras kan White Sox an mga ladawan ni Josh mantang naghagis kan first pitch sa game sa Rate Field na isinagibo sa Illinois, Chicago.
Nag-post man si Josh kan saiyang ladawan sa baseball stadium asin igwang caption na “from stage to the field.”
An pag-atendir ni Josh sa torneo, bago pa an saindang pinag-aantisiparang performance sa popular Lollapalooza music festival sa Chicago, kaiba an mga P-pop group na naka-iskedyul sa stage ngonian na aldaw.
Kasunod kan saindang debut sa Lollapalooza, magsasagibo man an quintet kan saindang “I Was There Thanksgiving” fan meeting sa Estados Unidos sa Agosto 89 bago magpasirin sa Japan para sa Summer Sonic sa Agosto 14-15.
