LEGAZPI CITY-Ikinadismaya kan sarong professor an paghagad nin dispensa ni Leyte Representative Richard Gomez kasunod kan saiyang kontrobersiyal na post kaini manungod sa suboot “media spin”.
Segun kay University of Philippines College of Mass Media and Communication Professor Danilo Arao, sa intrevista kan Bombo Radyo Legazpi na bako sinsiro an paghagad nin dispensa ni Gomez na liwat na-edit kaini an saiyang social media post, an dapat na pigtrato niya na may respeto an medya, magin an mga peryodista na kritikal an pagbubusisi sa sarong bagay maski na nagpapahiling ini nin bako mga komportableng kuwestyon sa saiya.
Dugang pa niya na ginamit sana ni Gomez an plataporma asin nagin paagi bilang pasaring sa saiyang mga kalaban sa pulitika.
Kadakol man suboot sa siring kaining pangyayari kun sain igwang agenda na kontrolon an medya o ginagamit ini ngani mag-uyon sa mga gustong naratibo.
Kapareho man suboot ini kan ginibo ni Gomez, kun sain mawot niya an pagkakaigwa nin positbong interview asin bako mga confrontational na isyu.
Tinawan doon man ni Arao an mga sinabi kan alkalde na nagpapahiling suboot nin kawaran nin responsibilidad asin koordinasyon kaini sa trabaho sa Department of Public Works and Highways o magin bilang opisyal kan gobierno.
Bako man suboot katanggap-tanggap an nagin pahayag kan alkalde asin nagpapatunay sana ini na dai siya nakikipagkoordinar bilang sarong opisyal kan gobierno.
Magigirumduman na nagin kontrobersiyal si Gomez, mantang nagpost ini sa saiyang social media page kan manlain-lain na screenshots kan mga mensahe kan taga-medya na naghahagad nin impormayson alagad, ipinaluwas niya an numero kaini kun sain binatikos ini kan publiko.
