LEGAZPI CITY – Nanindugan an sarong piloto na an pagsakay sa behikulong panghimpapawid an pinakaligtas na transportasyon sa kinaban.
Segun ki Bombo International Correspondent Denmark Suede sa intrevista kan Bombo Radyo Legazpi na sa ibong kan mga nangyayaring plane crash an mas ligtas man giraray an mga eroplano kompara sa pagsakay sa mga behikulong panglupa asin pangdagat.
Bako man suboot perpekto an aviation sa kinaban kun kaya dae mapoprotehiran na may mga insidenteng nangyayari.
Dakulang factor man an komonikasyon kan piloto asin traffic controller siring man an mga papaabot man na mga behikulong panghimpapawid nganing malikayan ang mga banggaan sa ere.
Pigtaram pa kaini na labi sa kabanga kan nangyayaring air collision an kawsa kan human error asin huli man sa panahon an iba.
May pig-apod man sinda na alternative airport na pwede nindang lapagan kun enkaso nagkaigwa nin dae piglalaomang pangyayari na nagkawsa sa eroplano na mag emergency landdfall.
Nasa piloto na man na nagmamanehar kan behikulo an desisyon sa pagdiretso kan paglupad asin pag-landing.
Sa hiling ni Suede, dapat magpasa an kongreso nin ley na magtatag nin national transport safety board nganing may departamento na makapot sa mga akisdente sa himpapawid, tinampo asin magin sa kadagatan.
