LEGAZPI CITY – Inarestar kan mga kapulisan an sarong paratukdo sa ciudad kan Tabaco sa bisa nin mandamiento de aresto huli sa kasong grave threats.
Segun ki Tabaco City Police Station Chief of Police, Police Lieutenant Colonel Virgil Bibat sa intrevista kan Bombo Radyo Legazpi na binisto an suspetsado na si alyas “Jose”, warang agom, nasa tamang edad, asin residente kan naunambitang ciudad.
Nag-ugat suboot an kaso makalihis an reklamo kan nakaaging taon kun sain may tinakot an suspetsado mantang may kapot ining badil sa saindang barangay.
Nagin matrayumpo man an pagsusunad kan naunambitang warrant huli sa pagguno nin impormasyon mapadapit sa suspetsado asin an pakikipagtabangan kan publiko.
Pigtaram pa kan opisyal na makalihis an ginibong pag-arestar, nakatalaang maghampang an suspetsado sa korteng nagpaluwas nin warrant laban saiya.
Pagdoon pa ni Bibat na presenteng nakatenir sa saindang kustudiya an suspetsado mantang igwa man ipigbugtak na piyansa an korte na P36,000 para sa saiyang temporamenteng libertad.
