LEGAZPI CITY—-Natakdag sa kamot kan mga otoridad an sarong wanted na indibidwal na miyembro kan Concepcion Criminal Group sa banwaan kan Libon sa probinsya nin Albay.
Segun ki Police Executive Master Sergeant Maribeth Corporal, an tagapagtaram kan Libon Municipal Police Station, sa intrevista kan Bombo Radyo Legazpi, minidbid an suspetsado na si alyas “Sidoy”, lalaki, 36-anyos, may agom asin residente kan Barangay Bariw kan nasambit na banwaan.
An suspetsado may kasong attempted murder na may Criminal Case No. 10066 na ipinaluwas kan RTC Branch 13, 5th Judicial Region, Ligao City, Albay na kun saen may pigrerekomendang piyansang P120,000.00.
Sa presente, an suspetsado yaon na sa kustodiya kan Libon MPS para sa magkakanigong disposisyon.
Mientrastanto, sinabi kan opisyal na padagos sinda sa paghahanap kan mga natatadang miyembro kan nasambit na grupo para dagos na ining mapuho.
