LEGAZPI CITY — Pigbubulong pa hasta sa ngunyan an sarong Micro Finance Officer kan sarong kumpanya nin parapautang makalihis an nangyaring pambabadil sa Brgy. Villa Alvares, Balud sa probinsya kan Masbate.
Base sa inisyal na imbestigasyon kan mga otoridad, hale sa paniningil an biktima mantang lunad kan motorsiklo na pigmmanehar ni Jonnel Loma kan makaabot sa may parte kan nasabing barangay asin bigla na sanang nagbutwa an duwang dae pa nabibistong suspetsado.
Pigpapundo suboot an motorsiklo alagad kan manotisyaran kan mga biktima na armado an mga ini, binalo nindang magdulag alagad nagpaputok na an mga suspek.
Tulong beses na pinaputukan an biktimang si Jessa Villarete, 21 anyos asin residente kan Brgy. Caramoan, Camarines Sur.
Tulos man na naidara an biktima sa ospital para sa medikal na atensyon.
Nakadulag man an mga suspek makalihis an insidente.
Sa ngunyan, nagpapadagos pa an imbestigasyon kan Balud MPS dapit sa nasabing insidente.
