LEGAZPI CITY – Nadukayang nagpapalataw pataw asin wara nang buhay an sarong lalaki sa kahalabaan kan seawall kan Barangay San Roque, Legazpi City.
Susog sa nagunong impormasyon kan Bombo Radyo Legazpi mantang pigsusurat an baretang ini, minidbid an biktima na si Raul Napili Borja, 47-anyos, residente kan naunambitang barangay.
Nadiskubre kan mga rumespondeng personahes kan Bureau of Fire Protection (BFP) Legazpi an biktima na wara nang sulot na bado asin nagsapo nin pinsala sa payo asin kadakol na gasgas sa hawak na pigtutubudang huli sa makusog na alon.
Sa presente an ipigsasagibo kan mga otoridad an imbestigasyon nganing maaraman an kawsa kan pagkagadan kan nasabing persona.
