Legazpi City- Matrayumpong naisagibo kan Malinao Municipal Police station an sarong operasyon na obhetong maarestar an sarong indibidwal na nahahampang sa kasong pagbalgar sa PD 705 o an The Forestry Reform Code of the Philippines(Illegal Logging).
Sa intrevista kan Bombo Radyo Legazpi kay PCPT. Ivyn Villanueva, an Chief of Police kan Malinao MPS, sarong 38 anyos na lalake an nadakop kan mga otoridad sa parte kan Purok 7, Barangay Burabod, Malinao, Albay.
An akusado an binisto si Alyas ” Ton-Ton” residente kan Purok 7, Brgy San Bernardo, Tiwi, Albay.
Naarestar an suspek sa bisa kan warram of arrest para sa pagbalgar nya sa PD 705 o The Forestry Reform Code of the Philippines (Illegal Logging).
Maabot man sa P40,000 an pinagkakarkulong piyansa na pinagrerekomendar kan mga otoridad para sa saiyang paramientras na Libertad.
Presente man na nasa kustudiya na ngunyan otoridad an suspek para sa magkakanigong desposisyon.
