Kinumpirmar ni Davao Oriental Governor Nelson Dayanghirang na sarong indibidwal an nagadan sa makusog na pagyugo na tuminama ngonian na aldaw, Oktubre 10.
Segun sa Gobernador, an napabareta na biktima an gikan sa Mati City kun sain nabagsakan nin parte nin nagabang harong an nasabing biktima.
Ipigbareta man kan local official na pirang mga istruktura sa probinsiya an nadanyaran.
Nagpapadagos man an ipigsasagibong assessment kan mga awtoridad sa sitwasyon sa saindang nasasakupan kasunod kan makusog na linog.
Enot digdi, tulos na nag-isyu nin advisory an Gobernador para sa kanselasyon kan mga klase sa mga eskwelahan asin laog sa trabaho asin paramientras na pinagbawalan an mga residente na maglaog sa pirang mga pasilidad para sa saindang kaligtasan.
Sa mga ipigheras mang ladawan kan Gobernador sa saiyang social media account, mahihiling an pirang insidente nin landslide asin natumbang mga kahoy, kable asin poste kan kuryente sa mga kakalsadahan partikular na sa may Manay na episentro kan linog.
