LEGAZPI CITY-Narespondihan an sarong ina na nangaki mantang nasa evacuation center sa Tabaco City Albay sa katahawan kan pananalasa ni Super Typhoon Uwan.
Segun ki Kagawad Lloyd Bechayda intrevista kan Bombo Radyo Legazpi na nanotaran ninda ini mantang nasa evacuation center asin tulos na nagapod sinda sa City Disaster Risk Reduction and Management Office alagda dai na ini nakaabot pa sa hospital, kun sain siya na mismo ang nagpaaki digdi.
Nakapag-trabaho man suboot siya sa ospital asin bako ini an enot na nagasiste siya sa pagpapaaki.
May nakapag-respondi man na sarong doktor asin nailuwas man nin normal an baby sa evacuation center.
Dugang pa kan opisyal na afuera digdi, an igwa man sindang pig-asisteran na sarong diabetic patient sa evacution center siring man an para sa mga kaakian na may kamatian kun sain nagtatao sinda nin mga pangenot na atensyong medikal.
Sinabi man ni Bechayda na nagin magian an saiyang pagmati huli sa nakaligtas siya nin duwang buhay sa tahaw kan kalamidad sa simple asin ‘small act of kindness’ bilang pagseserbisyo.
