LEGAZPI CITY-Nairido an sarong estudyante mantang papalaog sa eskwelahan kan maimbuelto ini sa sarong aksidente sa Purok 3, Barangay Mayon, Daraga, Albay.
Segun ki Kap Joel Llandelar, sa intrevista kan Bombo Radyo Legazpi na nangyari an aksidente bandang alas 7:20 nin pagkaaga kasuudma sa saindang lugar kun sain sarong habal-habal na may lunad na estudyante asin sarong truck an naimbuelto sa aksidente.
Nangyari ini kan paluwas na haleng Barangay San Ramon an habal-habal asin nag-overtake sa sarong truck, asin parehong nag-overtake man an truc kun kaya naalanganin ini.
Na-outbalance suboot asin tuminama sa gutter an truck asin nauntog man an sakay kaining sarong pasahero.
Tulos man na nagrespunde an MDRRMO asin PNP sa insidente asin salbado man an mga nabiktima.
Dagdag pa ni Kap Llandelar, na pirmihang may aksidente sa nasabing national highway, kun kaya pagirumdom sa gabos na magsulot pirmi nin helmet pag nagda-drive, asin magluway-luway sa pagmamaneho ngani iwas aksidente.
