LEGAZPI CITY – Ipigbabasol sa nakalaylay na sanga nin acacia an karambola kan darakulang truck sa porsyon kan Purok 1, Brgy. Villahermosa sa banwaan kan Daraga, Albay.
Wasak an enot na parte kan pigmamanehar na ten-wheeler truck ni Jason Macapagal kan Brgy. Bolabog, Pilar, Sorsogon mantang diit na danyos sana an nakua kan duwang kasabatan kaining trailer truck na pigmamanehar nunda Jerry Broce kan Calamba, Laguna asin Afredo China kan Malasiqui, Pangasinan.
Sa intrevista kan Bombo Radyo Legazpi ki P/Supt. El Cid Roldan, hepe kan Daraga Police, napag-araman na pasiring sa Daraga an ten-wheeler mantang biyaheng Matnog, Sorsogon an kasabatan kaining ntrailer truck na igwang lunad na mga tower crane na gagamiton sa Samar construction.
Sa pag-agi kaini sa sarong puon nin acacia, naglibot an nasambitan na crane makalihis na masabit sa nakalaylay na sanga asin direktang tuminama sa enotan kan ten-wheeler truck kun sain dead on the spot an driver kaining si Macapagal makalihis tamaan sa payo.
Mientrastanto, huli na man sa kawaran nin kontrol sa manibela, suminalpok man an ten wheeler sa kasunudan kaining trailer truck na swerteng wara man na pigsapar na danyos an driver kaini.
Sa presente nasa ospital na an duwang pahinante kan truck na nagsapar nin minor injuries mantang nakatalaan man na kahampangon kan driver asin tagsadiri kan trailer truck na igwang darang crane an mga aksyon makalihis mapag-araman na luminagpas ini sa 14 ft. from the ground na bagahe.
