LEGAZPI CITY — Labing pagkadisganar an namamatean ngonian kan sarong miembro klan Junta Provincial kan Albay makalihis an nangyaring pagribay sa anom na pamayo kan mga departamento sa provincia.
Sa ipigtaong privilege speech ni Board Member Rolly Rosal kan ikaduwang distrito kan Albay, ibinuyagyag kaini an suboot bako tamang proseso asin warang ipigtaong partikular na rason kan naging pagribay sa mga department heads kan Provincial Assessor’s Office, Provincial Environment and Natural Resources Office, Provincial Human Resource Management Office, Provincial Social Welfare and Development Office, Provincial Sports Office asin Provincial Health Office.
Dugang pang pahayag kan opisyal sa nagin intrevista kan Bombo Radyo Legazpi, plantilia positions suboot an pigkakapotan kan mga ini na dapat dae basta-bastang mahahale.
Siring man, pormal na nag-agi sa election board, inaprubaran kan Civil Service Commission asin na-concur kan junta an mga nasabing opisyal na ngonian an nasa bako suboot equal na posisyon asin warang specific na trabaho.
