Dae nahahadit an Kremlin sa nakatalaan na pagbisita ni Russian President Vladimir Putin sa Mongolia sa masunod na semana.
An Mongolia kaya an saro sa mga nacion na miyembro kan International Criminal Court, na nagpaluwas nin warrant of arrest kontra ki Putin.
Segun ki Kremlin spokesman Dmitry Peskov na mismong si Mongolian President Ukhnaa Khurelsukh an nag-imbitar ki Putin kun sain pinaglalaoman na magkakaigwa nin magayon na pag-oolay an duwang lider.
Nakalaag man sa polisiya kan ICC na posibleng makulong an sarong suspek na igwang warrant kun bigla ining nagbisita na warang imbitasyon.
Mientras tanto, nangapudan man an Ukraine sa Mongolia na tulos na arestaron si Putin.
