Nagkondusir an Russia asin Ukraine nin dakulang ribayan nin mga preso, sa ika-duwang swap sa laog nin duwang aldaw.
Nasa kabilugan na 206 prisoners an nairibay kasunod kan negosasyon na pinangenotan kan United Arab Emirates.
Segun ki President Volodymyr Zelenskyy na nasa 103 Ukrainians an nakabalik hali sa military kun sain 82 sa mga ini an suldados asin 21 an officers.
Segun man sa Russian Defence Ministry na nasa 103 Russian soldiers an naibalik sa border Kursk region kun sain naglansar nin supresa pagsakyada an Ukrainian forces kan Agosto.
Nagheras pa si Zelenskyy nin mga ladawan kan servicemen na napapatos kan saindang bandera.
An Kyiv asin Moscow an nagkaigwa na nin serye nin mga prisoners swap puon kan pagsakyada kan Russia kan Pebrero 2022.
