LEGAZPI CITY- Piglinaw kan dating presidential spokesperson na wara pa ining nareresibi na Warrant of Arrest na hale sa kongreso.
Sinabi kaini sa saiyang social media account na poon biyernes na aga hasta Sabadong banggi, wara pang nareresibi nin warrant of arrest an saiyang opisina.
Baliktad ini sa naging pahayag ni House Secretary General Reginald Velasco na naresibi na suboot kan staff ni Roque an arrest order.
Inot nang tinaram ni Velasco na itinao na kan House sergeant at arms an arrest order sa law office ni Roque sa Makati City alagad dae pa ini suboot ninda naresibi.
Nakabantay man an National Capital Region Police Office para sa implementasyon kan nasabing warrant.
Pig-iimbestigaran na kan kamara si Roque nin huli sa suboot sa koneksyon kaini sa operasyon kan POGO sa nasyon.
