LEGAZPI CITY — Pigmamawot ngunyan kan Department of Tourism sa pamamayo ni Tourism Secretary Wanda Teo na maipahiling kan Pilipinas an kakaibang Rodeo Masbateño Festival sa paparaning Association of Southeast Asian Nations (ASEAN) summit sa Disyembre.
An nasambitan na festival an sarong halabang parada kan mga cowboy na nakalunad sa baka na nagmamawot na makua an atensyon kan publiko.
Segun ki Teo, gigibuhon kan ahensya an saindang makakaya ngani na maipresentar ini sa ASEAN leaders.
Marurumduman na an Pilipinas an ma-host kan ika-50 na anibersaryo kan ASEAN kun sain mabisita sa nasyon an mga haralangkaw na lider kan manlaen laen na nasyon siring kan mga presidente, foreign ministers, senior officials asin iba pang mga opisyal kan 10 member-states kan ASEAN.
Napag-aaraman na an Rodeo Masbateño festival an solong rodeo event sa bilog na Asya kaya puon kan 2010 saro ini sa mga nahiling na nakapagpoalangkaw nin turista sa probisnya kan Masbate.
