LEGAZPI CITY- Pangapudan ngunyan kan barangay officials kan Tumpa, Camalig, Albay na mapakarahay an pigko-konstruir na road-dike sa lugar.
Paliwanag ni Kapitan Pablo Solano sa intrevista kan Bombo Radyo Legazpi na nahukay an agihan kan tinampo.
Hinukay suboot sa irarom an proyekto kaya imbes na maparahay an dike, garing nakaraot pa ini.
Napag-araman na nasakop man kan road dike project an porsyon na dapat na para sa konstruksyon kan four-lanes na tinampo.
Pigkakahaditan pa kan opisyal na kun magkaigwa nin makusog na mga pag-uran, posibleng dumausdos an daga sa tinampo asin sa residential areas.
Sa presente, pighahalat na sana kan barangay an aksyon kan contractor asin Department of Public Works and Highways sa nasabing proyekto urog na ngunyan na komon an pag-uran.
