Piglalaomang magkakaigwa nin rollback sa presyo kan mga produktong petrolyo sa masunod na semana, segun sa Department of Energy – Oil Industry Management Bureau (DOE-OIMB).
Sinabi ni DOE-OIMB assistant director Rodela Romero na posibleng magkaigwa nin bawas na P0.30 sa gasolina, P0.60 sa diesel, asin P0.65 sa kerosene.
An pagbaba sa presyo kan mga produktong petrolyo an huli sa pagbaba kan presyo kan langis sa world market makalihis an peace talks sa pagultangan kan Russia asin Ukraine.
Afuera pa digdi, buminaba man an presyo kan langis nin 2% makalihis maibalik kan Iraq an produksyon sa saro sa mga oilfield kaini.
.){kind=link}