Piglalaoman kan Philippine National Police (PNP) na mabawasan an numero kan mga aksidente sa kakalsadahan asin insidente nin pagkalamos ngonian na 2026 Semana Santa kumpara kan nakaaging taon.
Ini an huli sa pigkakarkulong pagbaba kan numero kan mga biyahero huli sa halangkaw na presyo kan produktong langis dara kan nagpapadagos na giyera sa Middle East.
Sinabi ni PNP Spokesperson Police Brig. Gen. Randulf Tuaño na may kabilugan na 919 katawo an nagadan kan nakaaging taon huli sa reckless imprudence, na mas halangkaw kumpara sa labi 800 kan 2024.
Basado sa datos kan PNP Maritime Group, nairehistro kan Pulisya an maabot sa 151 na pagkalamos kan nakaaging taon mantang maabot sa 90 kaso sana an nairehistro kan 2024.
Tinawang-duon kan tagapagtaram kan PNP na an kapansin-pansin an mas hababang numero kan mga biyahe paluwas sa Manila huli sa dae nakakapag-operate an nagkapirang kumpanya huli sa halangkaw na presyo kan langis.
Sa ibong kaini, pigsierto kan heneral na padagos na babantayan kan mga kapulisan an mga insidente nin pagkalamos asin aksidente sa tinampo.
Tinawang-duon kan opisyal na magtetenir na halangkaw an alert level sa laog kan PNP, kun saen supisyenteng manpower an nakadeploy sa manlaen-laen na lugar.
 expects the number of road accidents and drowning incidents to decrease this 2026 Easter season compared to last year.){kind=link}