LEGAZPI CITY- Padagos an piggigibong lakdang kan Daraga Public Safety office para madakop an mga nagbabalgar sa mandato kan road clearing operation sa Banwaan.
Sa intrevista kan Bombo Radyo Legazpi kay Lorenzo Bañas an tagapagtaram kan Daraga Public Safety Office, nanutaran an pagbaba kan bilang kan mga violators sa lugar.
Bilang pagsunod man sa kasuguan kan DILG padagos an saindang pagsasagibo nin road clearing operation sa banwaan.
Kun magigirumduman kan nakalihis na semana igwang nagkapirang motorista an nasita kan saindang opisina na mga violators.
Pagirumdom man kan naunambitang ahensya sa motorista asin publiko na magsunod sana sa mandato kan otoridad tangarig mapakarhay an sitwasyon kan trapiko asin tinampo sa Banwaan.
