LEGAZPI CITY-Padagos na nagtatao nin tabang an ‘Rise with Max’ Community Pantry sa iba pang lugar sa rehiyon.
Segun sa Community Pantry Organizer na si Sheryl Brobio, sa sa intrevista kan Bombo Radyo Legazpi, na nakapaghatod sinda nin libreng gupit, libreng pagpa-BP, mga vitamins, pagkakan asin mga gulayon sa Bacacay, Albay.
Afuera digdi, nakapagtao man siya nin letchon asin nagkaigwa siya nin kolaborasyon hale sa sarong vegetable tracker para sa nasabing aktibidad. Afuera digdi, nakapagtao man siya nin letchon.
Humigit-kumulang 300 na katawo an saindang natawanan, kabale na an mga padyak drivers.
Sinabi pa kan organizer na dinagsa an saindang Community Pantry asin nagin organisado man an pagpila.
Sa presente, kadakol pang lugar suboot an nagre-request na dumanon ninda, asin pigpapasalamatan niya man an mga volunteers para sa saindang suporta.
