LEGAZPI CITY—Sarong magayon na bareta para sa grupong Rise Up for Life and for Rights makalihis pangaranan kan International Criminal Court (ICC) sinda Senador Ronald “Bato” dela Rosa asin Senador Christopher Lawrence “Bong” Go asin iba pang indibidwal bilang mga co-perpetrators sa kasong may kinaaraman sa kampanya kontra droga ni dating Presidente Rodrigo Duterte.
Segun ki Rise Up for Life and for Rights Coordinator Rubilyn Litao, sa intrevista kan Bombo Radyo Legazpi, panahon na ini nganing hampangon urog na ni Senador Ronald “Bato” dela Rosa—na para sa mga pamilya iyo an pangenot suboot na imbuelto na nagpaotob kan polisiya kan war on drugs.
Dugang niya na saro ining importanteng bareta na importanteng masubaybayan kan namamanwaan katakod kan orolay sa pagpapanimbag sa mga nasabing opisyal siring man para sa napaparaning confirmation of charges sa dating presidente.
Nanindugan man an opisyal na kaipuhang manimbag asin maparusahan an mga naunambitang indibidwal para sa pagpapaotob kan giyera kontra droga sa nacion.
Mientrastanto, padagos man an pangapudan kan grupo sa mga pamilya na dae pa nakakapaghayag kan nangyari sainda mapadapit sa war on drugs na magin parte kan proseso nganing mahiling an katotoohan sa nasabing isyu.
