Labi sa 5,000 na katawo an ipig-ebakwar sa provincia kan Hunan sa nacion kan Tsina huli sa matinding pag-uran.
Piglalaoman na makaka-eksperyensya nin matinding pag-uran an pira pang parte kan provincia, kun saen an bulos kan uran sa pirang lugar an pigkakarkulong magigin mas matindi.
Susog pa sa report, may mga parte kan Hunan na naka-eksperyensya nin labi sa 400 milimetro (16 pulgada) nin uran poon pa kan Miyerkules.
Nagpatanid man an China Meteorological Administration na an mga parte kan timog asin gitnang Tsina an makaka-eksperyensya nin makukusog na pag-uran asin posibleng huma nin pagbaha sa kabuludan.
An nasabing patanid an ibinaba pirang aldaw makalihis an haros 70,000 katawo sa katimugang Tsina an ipig-ebakwar huli sa matinding pagbaha na kawsa kan Bagyong Wutip.
Kan nakaaging bulan man, kadakol sa parte kan hilaga asin gitnang Tsina an naka-eksperyensya nin matinding init kan Mayo, kun saen puminakol sa labi 40 degrees Celsius an temperatura sa pirang mga pangenot na ciudad.
