Tinuyaw ni Davao City Representative Paolo Duterte an naging rekomendasyon kan quad committee kan Kamara de Representante na imbestigaran siya huli sa pagkaka imbwelto sa iligal na droga.
Preparado suboot siya na maghampang sa mas komprehensibong imbestigasyon asin bako sa mga nag-iimbestigar na nagtutubod sa mga sabi-sabi o hearsay.
Saro sa mga tinukoy kaini an marikas na pagtubod kan quad committee sa pahayag ni dating Customs intelligence officer Jimmy Guban.
Dugang pa kan kongresista na dapat na hilingon kan kongreso an mga nakalista sa drug-list kan panahon kan administrasyon kan saiyang ama.
Nagsunad man ini nin perjury kontra ki Guban huli sa suboot pagraot sa saiyang imahe.
Marurumduman kaya na isinapubliko ni Guban na imbwelto sa kalakaran kan iligal na droga an lehislador, bagay na pinahimutikan kan joven na Duterte.
