LEGAZPI CITY – Suportado ni Ako Bicol Partylist Representative Alfredo Garbin an mahigpit na pig-implementar kan Department of the Interior and Local Government (DILG) nin Anti-Epal policy sa bilog na nasyon.
Magigirumduman kaya na sa irarom kan Memorandum Circular No. 2026-006, pigsugo an gabos na lokal na gobyerno asin opisina kan DILG na tulos na halion an mga pangaran, ladawan, logo, slogan, asin anuman na simbolo kan mga opisyales sa mga proyektong pinondohan kan gobyerno.
Segun sa Kongresista sa intrevista kan Bombo Radyo Legazpi na magkakanigo sanang dae ipagsabay an pangaran kan pulitiko sa mga proyektong pinondohan kan buwis kan namamanwaan.
Alagad pwedesir suboot na ibugtak an ladawan asin pangaran kan sarong indibidwal kun ginamit sa programa an sadiring budget kaini o maski sisay pang opisyal kan gobierno.
Punto pa niya na dae dapat aprobitsaran kan mga pulitiko an mga manlain-laing kalamidad nganing magpahamot kan saindang pangaran asin gibuhon na personal billboard an pagbabarewas nin ayuda.
Pagdoon pa ni Garbin na dapat kaipuhan na magin rigmat, mapagbantay asin isumbong an mga nagbabalgar Anti-Epal policy nganing dae magamit ini kan mga pulitiko an pondo kan namamanwaan para sa pangsadiring interes.
's strict implementation of the Anti-Epal policy nationwide.){kind=link}