Ipigtuga ni Ombudsman Jesus Crispin Remulla na siya an na-diagnose nin leukemia makalihis magsairarom sa quintuple bypass heart surgery kan 2023 mantang nagseserbisyo bilang Department of Justice (DOJ) secretary.
Sa sarong pahayag, ipigheras ni Remulla an saiyang pig-agihan na problema sa salud.
Segun ki Remulla, nadiskubre an cancer sa dugo mantang siya nagpaparahay hale sa operasyon. Nagsairarom siya sa duwang cycle nin chemotherapy, total body radiation, asin bone marrow transplant, na kinua an dugo hale sa saiyang aki asin nagrahay.
Dugang ni Remulla, nalagpasan niya an kamatean huli sa dakol pa siyang dapat na gibohon, mandato asin layunin sa buhay.
Ini an enot na pagkakataon na saiyang ipigheras an saiyang eksperyensya sa leukemia, na nangyari kasunod kan saiyang 10-aldaw na wellness leave sa DOJ kan 2023.
