LEGAZPI CITY – Pigresibi na kan mga residentes kan Barangay Rawis an mga relief foodpacks na ibinarewas kan Legazpi City Social Welfare and Development Office sa kada barangay kan ciudad makalihis an epektong pigwalat kan nakaaging si Bagyong Uwan.
Paliwanag ni Barangay Kagawad Alex Diocancil sa intrevista kan Bombo Radyo Legazpi na pinili nindang tawan an gabos na saindang mga residentes, nag-ebakwar man sa mga evacuation center o maski sa mga kataraid na kaharongan.
Segun saiya na gabos suboot na mga residentes ninda an apektado sa pangrarapado kan nasambitang raot nin panahon kun kaya dapat makaresibi gabos kan nasambitang relief.
Pigdoon pa niya na nagin madali para sa sainda an pagrelease nin tabang sa saindang mga residente huli ta antes pa man an aldaw kan distribution an pigbarewas na ninda an mga ticket sa kada pamilya na gagamiton sa pag-klamar kan mga foodpacks.
Pigtaram pa ni Diocancil na kompwesto an foodpacks nin 3-kilo nin bagas, kape, delata, noodles, asin pancit canton.
Sa presente an pighahalat na ninda an suboot ibabarewas man kan lokal na gobierno na pamasko sa mga residentes kan ciudad.
