LEGAZPI CITY- Ipigheras kan Department of Tourism (DOT) na igwang sampulong destinasyon sa rehiyong Bicol an isinumiter tangarig na pag-adalan bilang alternatibo katakod kan pagsasarado kan Boracay.
Kinumpirmar ni DOT Bicol Director Benjamin Santiago sa intrevista kan Bombo Radyo Legazpi na nag-abot sa rehiyon an mga kapwa regional directors tangarig na personal na mahiling asin ma-validate an kagayunan kan mga nasabing tourist sites.
Napag-araman na saro sa mga ipigkakampanya kan nasabing direktor an banwaan kan Caramoan sa Camarines Sur na igwang magagayon na beach resorts na masasabing developed na.
Dugang pa ni Santiago na napili kan mga kaibanang opisyal an nasabing destinasyon urog na ready na ini sa pag-acomodar kan mga turista.
Katakod kaini, duwang direktor naman an nagmanifest nin pagpromote kan nasabing lugar.
