LEGAZPI CITY-Naarestar an Rank 1 Regional Most Wanted Person sa Bicol sa ikinasang operasyon kan kapulisan sa Port Calatagan, Sitio Balumbato, Brgy. 4, Calatagan, Batangas.
Segun kay Rapu-Rapu Municipal Police Station, Police Major Joseph Melitante, sa intrevista kan Bombo Radyo Legazpi, nana suspek sarong caretaker kan bangka asin naarestar ini sa isinagibong operasyon sa nasabing lugar katuwang an iba pang mga unit.
Nahahampang an suspek sa duwang kaso, enot na an kasong Rape by Sexual Assault asin sa kasong Attempted Qualified Rape of a Minor.
Limang taon na suboot na pighahanap an suspek asin nanotaran man suboot an suspek huli sa impormasyon na itinao kan mga residente.
Sinabi man kan otoridad na poon kan Abril 2024 pa an kaso kan suspek asin ngonian nagdagdag pa an saiyang warrant of arrest.
Nangangapudan man an kapulisan sa mga namamanwaan na mag sumbong enkaso dapit sa mga wanted na persona asin magapod sa saindang 911 hotline.
