LEGAZPI CITY- Aminado an Puersa Armadas kan Pilipinas na igwa man liwat na presensya kan mga rebeldeng grupo sa rehiyon.
Ini makalihis an magkakasunod na mga insidente nin engkwento asin pagkakakumpiskar nin mga armas sa provincia kan Masbate, ciudad kan Iriga asin Catanduanes kan nakalihis na mga aldaw.
Alagad segun ki 9th Infantry Division division public affairs office chief Major Frank Roldan sa intrevista kan Bombo Radyo Legazpi na masasabi na padagos an pagbaba kan miyembro kan rebeldeng New People’s Army kumparar kan nakalihis na mga taon.
Paliwanag kan opisyal na nadidifisilan na an grupo na makapag recruit nin mga bagong miyembro.
Ini an huli sa padagos na pagpapasabot kan mga otoridad sa publiko kan peligrong dara kan nasabing grupo.
Nagpasalamat man si Roldan sa aktibong tabang kan mga namamanwaan na marikas na nagpapaabot nin impormasyon sa mga otoridad dapit sa presensya kan mga armadong indibidwal sa saindang lugar.
