LEGAZPI CITY – Preparado an hepatura kan Daraga Municipal Police Station enkasong maibalik liwat sainda an pamamayo sa kampanya laban sa iligal na droga.
Segun ki C/Insp. El Cid Roldan, hepe kan Daraga MPS, maski na suboot hinali sainda an kampanya, padagos man liwat an saindang monitoring sa mga aktibidad na may kinaaraman sa droga.
Ikinadisganar man kan opisyal an padagos na pagsagibo nin iligal na aktibidad kan mga durugista urog na kan nagli-low an PNP sa kampanya.
Makainsulto suboot an giniribo kan mga drug personalities asin nabitin sinda sa kampanya kontra droga.
Abiso man ni Roldan sa mga durugista na hampangon na sana an saindang mga kasong isasangat sainda ngane na dae man madamay an mga tultol na pulis.
Dugang kan hepe, enkasong maibalik an kampanya, prayoridad ninda an kamawotan kan mayorya kun kaya dae suboot sindang pakiaaram sa mga saradit na maaapektaran.
Plano man suboot kaini na maging proficient an saiyang personahes kun kaya makondusir ini in training alagad, dapat suboot gamiton sa maray na paagi.
Pig-agyat man ni Roldan an publiko na sabayan sinda sa kampanya ngane na maaraman suboot kan namamanwa an pig-aagihan kan pulis ngane sana masawata an mga imbwelto sa mga iligal na aktibidad.
