LEGAZPI CITY – Tahasang pig-amin ni Catanduanes Governor Patrick Azanza na buminungad saiya an warang kalaog-laog na mga kagamitan an office of the Governor pag-asumir kaini sa pwesto.
Sinabi kaini sa eksklusibong intrevista kan Bombo Radyo Legazpi na ipinahiling niya sa mga manlain-laing media na maski annual report kan mga ahensya kan gobierno an wara siyang naresibi asin an ibang mga computer kan kapitolyo an raraot na mantang burado gabos na mga file na nakapalog sa mga ini.
Dae niya aram kun pigtuyo an siring kaining insidente o arug suboot kaini an sitwasyon kan kapitolyo bago siya magtukaw.
Dae man suboot nag-atendir an dating gobernador sa isinagibong turn-over kun kaya masasabi niyang back to zero an saiyang pagseserbi alagad huli sa nagin presidente na siya kan Catanduanes State University an aram niya na an saiyang gigibuhon.
Sa ibong kan mga nangyari an nanindugan an opisyal na magpapadagos man giraray an operasyon kan kapitolyo sa irarom kan saiyang liderato sa provincia.
Sa kagayunan suboot an nakipagtabangan na saiya ngonian an mga department heads nganing maguno an gabos na mga papeles kan saindang ofisina mapadapit sa mga transaksyon asin annual reports.
May mga naghingoa man na magdonate nin mga kagamitan arug kan ballpen, bond paper asin iba pa an nagpapahiling man na handang makipagtabangan sa saiya.
Paglilinaw ni Governor Azanza na sa Presente maray na an saindang sitwasyon huli sa nangyayaring bayanihan kan publiko sa saiyang liderato sa provincia kan Catanduanes.
