Nasa labi 15, 000 katawo an nagsagibo nin hiro protesta sa Israel nganing ipingapodan an pagpapalaya kan bihag.
Pigpangapodan kan mga ini kay Israeli Prime Minister Benjamin Netanyahu, na magtugot na sa kasunduan nganing mapalaya an mga natatadang bihag.
Kabali sa hiro protesta an mga paryentes asin mga tagasuporta kan mga bihag na kapot kan Hamas.
Pinalibotan ninda an bilog na Paris Square sa Jerusalem mantang an iba an yaon sa Tel Aviv.
Sa kabilugang 48 bihag sa Gaza, pigkakarkulong 20 sana an buhay pa.
Magigirumdumang maabot sa 251 na bihag an kinuwa kan mga Hamas sa saindang ginibong paglusob sa Israel kan Oktubre 7, 2023 kun saen nasa 1,200 na katawo an nagadan.
