Nai-transit na ka Kamara sa Senado an House Bill 9349 o Absolute Divorce Bill na pangenot na akda ni Albay Representative Edcel Lagman.
An transmittal an nakapalaog sa surat ni House Secretary General Reginald Velasco ki Senate President Francis Chiz Escudero na may petsang June 10, 2024.
Boot sabihon kaini, segun ki Lagman wara nang pagkakataon an nagkapirang mga lehislador na kuwestiyunon an nagin resulta kan nominal voting kan pagtibayon an bill kan May 22.
Sa nagin botohan sa Kamara, 126 an nagboto nin pabor, 109 an nagboto nin kontra asin 20 an nag-abstain.
Alagad nilnaw ni Velasco, an kabilugang yes votes an nag-abot sa 131 mantang nagtetenir an mga numero kan nagboto nin no asin abstain.
Sinabi ni Lagman, nasa hurisdiksyon kan Senado an pagdiskutir sa Absolute Bill kasabay an paglaom na tawanan nin pagkakataon an pagtukar kaini sa plenaryo.
