LEGAZPI CITY- Ipigsakat na kan Philippine Atmospheric, Geophysical and Astronomical Services Administration (PAGASA) sa 65% an probability kan pagkakaigwa nin El Niño sa nagkapirang parte kan Pilipinas sa hudyan na quarter kan presenteng taon.
Pag-eksplikar ni PAGASA Deputy Administrator for Operations and Services Dr. Landrico Dalida Jr. sa intrevista kan Bombo Radyo Legazpi na susog sa latest forecast kan ahensya magin sa international models, igwang projection kan “warming” sa Kadagatang Pasipiko na posibleng maglimitar sa laog kan bagyo na magdadara kuta nin pag-uran.
Huli digdi, masakat pataas an track kan raot kan panahon na magkacausa nin “rainfall deficit” o kakulangan sa uran sa sur na poryson kan Luzon kasabay kan projection sa epekto sa sektor kan agrikultura.
Sa pagbabago pa kan trend asin paglimitar sa laog kan Paros na Amihan, piglalaomang mas magigin warm an temperatura sa banggi sa mga bulan kan Setyembre hasta Disyembre.
Pinaghahanda na man kan PAGASA an mga lugar sa Southern Luzon kaibanan na an anom na provincia kan Bicol na nasa irarom ngonian kan ‘El Niño watch’.
Abiso pa ni Dalida na makakatabang an pagsasagibo kan “cloud seeding” para sa mga nasabing lugar.
