LEGAZPI CITY – Nakaguno nin honra an Police Regional Office 5 sa isinagibong Program Review and Analysis for Calendar Year 2024.
Segun ki Police Regional Office 5 Regional Director Police Brigadier General Andre Dizon sa intrevista kan Bombo Radyo Legazpi na nakakuwa sinda nin 2nd Place para sa Program Review and Analysis Documentation Award asin ranked 3 man sa Program Review and Analysis Presentation Award.
Dakulang honra man an pagkakaguno nin award asin magseserbi ini bilang moral booster sa enterong kapulisan sa rehiyon.
Dakol suboot an nalagpasan huli ta uminabot sa 18 na police regional offices an saindang kalaban kun kaya nahiling nnda na magayon an kinaluwasan kan saindang preparasyon.
Nanindugan an opisyal na crucial an pagkakagana sa Program Review and Analysis huli ta nagamit nin maray an pondo kan kapulisan para sa nasabing programa.
Mantang koordinasyon, preparasyon asin teamwork an mga nagin lyabi sa saindang pagkakagana nganing mahiling kan mga judges na dae nasasayang an ipig-alokar na pondo sa saindang ofisina.
Sa ibong kan mga trayumpo, pagdoon ni Dizon na dae digdi matatapos an pagtataong magayon na serbisyo kan Police Regional Office 5 para sa mga bicolano.
