LEGAZPI CITY — Liwat na magkakaigwa nin pagbaba sa presyo kan copra sa masunod na bulan segun sa Philippine Coconut Authority (PCA).
Sa intrevista kan Bombo Radyo Legazpi kay PCA Bicol spokesperson Ed Baylon, hali sa presenteng presyo kaini na P25, magkakaigwa nin pagbaba ngayon na lean months.
Pag-eksplikar kan opisyal, parte kan trend kan produksyon kan niyog an pagkusog kan supply and demmand kada Agosto kaya nagkakaigwa man nin bagsak presyo.
Segun digdi, dakol an nagbabakal nin raw materials hali sa niyog puon Oktubre hasta Disyembre na piga-export sa European countries kaya sa pagpupuon pa sana kan taon, nagkakaigwa na nin pagbaba sa kantidad kaini.
Huli digdi, segun ki Baylon, dakol na mga paraoma an ipigpapabakal na sana nin bilog an nakukuang niyog sa kantidad na P5 kada kilo ngani na makabawas sa labor cost sa pagko-copra.
Mientras tanto, igwa na man suboot na pigbibilog na organisasyon an PCA ngani na makatabang sa mga apektadong paraoma.
