LEGAZPI CITY- Tulong aldaw na sana an pighahalat antes an Valentine’s day kun kaya lakop na an mga paratienda nin burak sa manlaen-laen na merkado.
Saro digdi si Tess Monsalve, na igwa nin pwesto nin mga burak sa Legazpi City Public Market.
Sigon ki Monsalve, maluya pa ngunyan an bentahan kan mga burak huli ta tuyong Pebrero 13 hasta 14 nagdadayo sa merkado an mga tawo ngani na magbakal nin Valentine presents sa saindang mga padaba sa buhay.
Abilable suboot sainda an manlaen-laen na klase nin burak arog kan rosas, malaysian mums asin carnation.
Dugang pa kaini, an rosas an pinakamakantidad asin pinakamabenta sa mga ini na nag-aabot nin P50 pesos an kada stem, P700 an sarong dosena asin P1000-P1500 an bouquet.
Sa mismong aldaw suboot kan mga puso, maghapon na dakol an nagbabakal sainda nin mga burak.
Alagad piglalaoman na malangkaw pa an presyo kan mga ini sa Pebrero 14 kun sain an P50 na sarong stem nin rosas, pwedesir na magin P75 pesos.
