Nilinaw kan Malacañang na warang plano si Presidente Ferdinand Marcos Jr. na ibusol an impeachment trial ni Vice Presidente Sara Duterte sa Senado.
Segun ki Malacañang Press officer Atty. Claire Castro na warang anuman na balita dapit sa pagbusol kan presidente sa impeachment.
Nilinaw man kan opisyal na warang pahayag an Palasyo na kumpiyansa an administrasyon na mapapatalsik si Duterte.
Marurumduman na na-impeach si Vice President Sara sa Kamara kan Pebrero 5 huli sa mga kasong betrayal of public trust, graft, asi iba pa.
Nakatalaan man na isunad sa Senado an Articles of Impeachment sa Hunyo 2, mantang pinaglalaoman na mapuon an pagdangog kaini sa Hulyo 30.
Nagsunad man an bise presidente nin petisyon sa Korte Suprema ngani na harangon an proseso.
