Pigsugo ni Presidente Ferdinand Marcos Jr. si Department of Public Works and Highways (DPWH) Secretary Vince Dizon, na magkondusir nin inspeksyon sa Kalayaan Island Group (KIG) sa West Philippine Sea.
An nasabing direktiba an kasunod kan pagbubukas kan Kalayaan Municipal Tourism Office nin mga tour packages ngunyan na bulan.
Obheto kan presidente na mahiling kan sekretaryo an posibilidad nin pagtitindog nin erpuerto o pantalan ngani na mas mapagayon pa an turismo sa lugar.
Kinumpirmar ni Presidential Communications Undersecretary Claire Castro, na nakaolay kan presidente si Dizon dapit sa nasabing kasuguan.
An munisipalidad kan Kalayaan an nabilog huli sa Kalayaan Island Group sa irarom kan Palawan sa paagi kan Presidential decree na ipinaluwas kaito ni dating Presidente Ferdinand Marcos Sr. kan 1978.
